ພິທີເປີດສະຖານີອ້າງອີງ (CORS)

14329970_309251446116231_3465188753245688455_n
14329970_309251446116231_3465188753245688455_n

dsc_0142

ວັນທີ16ກັນຍາທີ່ຜ່ານມານີ້ຢູ່ທີ່ນະຄອນຫລວງວຽງຈັນ ສປປລາວ ໄດ້ມີການຈັດພິທີສ້າງສະຖານີອ້າງອີງການວັດແທກ ແບບຕໍ່ເນື່ອງ (CORS) ເຂດພັດທະນາກວມລວມໄຊເຊດຖາໄດ້ຈັດຂຶ້ນຢ່າງຄຶກຄື້ນໂດຍໃຫ້ກຽດເຂົ້າຮ່ວມຂອງທ່ານກ່ວນຮວາປີ່ງເອກອັກຄະລັດສະທູດ ຈີນປະຈໍາ ສ ປ ປ ລາວ, ທ່ານຫລີເວີຍເຊີນຮອງຫົວໜ້າກົມກົມແຜນທີ່ແຫ່ງຊາດຈີນ, ທ່ານທອງຈັນ ມະນີໄຊຮອງລັດຖະມົນຕີກະຊວງພາຍໃນລາວ, ທ່ານບົວສົດ ສຸວັນນະກຸມມານ ຫົວໜ້າກົມແຜນທີ່ແຫ່ງຊາດກະຊວງພາຍໃນລາວ, ທ່າງເຊີງສຽວຢາງ ປະທານບໍລິສັດສະເປັກໄອລາວ, ຫົວໜ້າຂອງພາກສ່ວນທີ່ກ່ຽວຂ້ອງຜູ້ຕາງໜ້າຈາກວິສາຫະກິດຈີນປະຈໍາລາວແລະບັນດາບໍລິສັດຕ່າງໆທັງໝົດ100ກວ່າຄົນ.
ທ່ານບົວສົດສຸວັນນະກຸມມານ ຫົວໜ້າກົມແຜນທີ່ແຫ່ງຊາດກະຊວງພາຍໃນລາວໄດ້ກ່າວວ່າ: ພາຍໃຕ້ການຊ່ວຍເຫລືອແລະສະໜັບສະໜູນຂອງລັດຖະບານຈີນສະຖານີອ້າງອີງການວັດແທກແບບຕໍ່ເນື່ອງ(CORS)ເຂດພັດ ທະນາກວມລວມໄຊເຊດຖາໄດ້ສ້າງສໍາເລັດແລະເລີ່ມນໍາໃຊ້ເຊິ່ງໄດ້ຊ່ວຍໜູນສ້າງໃຫ້ກົມແຜນທີ່ແຫ່ງຊາດລາວມີຄວາມເຂັ້ມແຂງ ໃນການຄຸ້ມຄອງວຽກສໍາຫລວດວັດແທກ ແລະ ການບໍລິການທາງດ້ານເຕັກນິກຕາໜ່າງການວັດແທກແຫ່ງຊາດຂຶ້ນຕື່ມອີກກ້າວໜຶ່ງເພື່ອໃຫ້ເທົ່າທຽມກັບສາກົນ,ຈະປະກອບ ສ່ວນອັນສໍາຄັນໃຫ້ແກ່ການສ້າງເສດຖະກິດສັງຄົມຂອງລາວໃຫ້ມີຄວາມເຂັ້ມແຂງຈະເລີນກ້າວໜ້າ,ເຮັດໃຫ້ກົມແຜນທີ່ແຫ່ງຊາດລາວກໍ່ຄືປະຊາຊົນລາວ

ໄດ້ຮັບຜົນປະໂຫຍດຫລາຍຢ່າງທາງດ້ານການພັດທະນາ.
ທ່ານຫລີເວີຍເຊີນຮອງຫົວໜ້າກົມກົມແຜນທີ່ແຫ່ງຊາດຈີນໄດ້ກ່າວວ່າ: ການກໍ່ສ້າງສະຖານີອ້າງອີງການວັດແທກແບບຕໍ່ເນື່ອງ(CORS)ແຫ່ງທໍາອິດໃນຄັ້ງນີ້ແມ່ນເຫດການທີ່ສໍາຄັນ ແລະ ມີຄວາມໝາຍທີ່ສຸດ,ເປັນສັນຍານວ່າສະຖານີອ້າງອີງການວັດແທກແບບຕໍ່ເນື່ອງ(CORS)ໄດ້ນໍາໃຊ້ຢ່າງເປັນທາງການ.ພາຍຫຼັງ ການສ້າງສຳເລັດຂອງລະບົບດັ່ງກ່າວແມ່ນຈະສາມາດຕອບສະໜອງການນຳໃຊ້ແຜນທີ່ນຳທາງ,ຈັບຈຸດຕໍາແໜ່ງທີ່ມີຄວາມຊັດ ເຈນສູງ,ສາມາດບໍລິການນໍາໃຊ້ເຂົ້າໃນວຽກງານການກໍ່ສ້າງ,ວຽກງານສຸກເສີນທາງດ້ານອຸຕຸນິຍົມແລະໄພພິບັດ,ວຽກງານການ ຄວບຄຸມແລະນຳພາທາງແລະອື່ນໆ.ນອກນັ້ນລະບົບດັ່ງກ່າວຍັງສາມາດເພີ່ມທະວີການບໍລິການເຜີຍແຜ່ຂໍ້ມູນທາງດ້ານຊັບພະຍາກອນໃຫ້ແກ່ທົ່ວໂລກ.

ກົມແຜນທີ່ແຫ່ງຊາດສ.ປຈີນຍິນດີໃຫ້ການຮ່ວມມືຢ່າງຕໍ່ເນື່ອງໃນລະດັບສາກົນກັບກົມແຜນທີ່ແຫ່ງຊາດ ກະຊວງພາຍໃນສ.ປ.ປ.ລາວພ້ອມກັນນັ້ນຍັງຈະຮ່ວມມືກັບຫຼາຍພາກສ່ວນກ່ຽວຂ້ອງຂອງລາວເພື່ອພັດທະນາວຽກງານສຳຫຼວດ ວັດແທກແລະສ້າງແຜນທີ່ຂອງແຕ່ລະກະຊວງທ້ອງຖິ່ນ,ບໍລິສັດເອກະຊົນ,ອົງກອນວິທະຍາສາດແລະຄົ້ນຄວ້າຮ່ວມກັນກໍ່ສ້າງໂຄງ ການເສັ້ນ ທາງສາຍໄໝເພື່ອພັດທະນາເສດຖະກິດສັງຄົມຂອງ ສປປ ລາວ.
ສະຖານີCORSທີ່ຕັ້ງຢູ່ເຂດພັດທະນາກວມລວມໄຊເຊດຖານະຄອນຫຼວງວຽງຈັນແມ່ນສະຖານີແຫ່ງທຳອິດທີ່ໄດ້ກໍ່ສ້າງແລະຕິດຕັ້ງສຳເລັດໃນລາວ,

ທັງເປັນສະຖານີທີ່ສັນຍາລັກຂອງການຮ່ວມມືລາວ-ຈີນສຳລັບຂະແໜງການສຳຫຼວດວັດແທກແລະ ສ້າງແຜນທີ່. ສອງຝ່າຍຈະສືບຕໍ່ກໍ່ສ້າງໃຫ້ສໍາເລັດ40ແຫ່ງຕາມແຜນການ, ໃນນັ້ນສະເພາະຢູ່ນະຄອນຫລວງວຽງຈັນມີ6ສະຖານີ, ສໍາລັບແຂວງອື່ນແມ່ນແຂວງລະ 1-2ສະຖານີ. ເພື່ອຕອບສະໜອງຄວາມຮຽກຮ້ອງຕ້ອງການຂອງຝ່າຍລາວ ກົມແຜນທີ່ແຫ່ງຊາດຈີນໄດ້ມອບໝາຍວຽກງານດັ່ງກ່າວໃຫ້ແກ່ສໍານັກງານການສໍາຫລວດວັດແທກແລະແຜນທີ່ແຂວງຢູນນານສປຈີນ

ຊ່ວຍເຫລືອການສ້າງສະຖານີໃຫ້ແກ່ຝ່າຍລາວ, ບໍລິສັດສະເປັກໄອລາວ ຈຳກັດພຽງຜູ້ດຽວແລະບໍລິສັດຊາວທ໌ ສ ປ ຈີນເປັນບໍລິສັດຮ່ວມລົງທຶນໃນການກໍ່ສ້າງ.

dsc_0209ພີທີແລກປ່ຽນຂອງຂວນລະຫວ່າງທ່ານບົວສົດສຸວັນນະກຸມມານຫົວໜ້າກົມແຜນທີ່ແຫ່ງຊາດກະຊວງພາຍໃນລາວກັບທ່ານຫລີເວີຍເຊີນຮອງຫົວໜ້າກົມແຜນທີ່ແຫ່ງຊາດສປຈີນແລະພາກສ່ວນຕ່າງໆ.
dsc_0231 dsc_0235 dsc_0237 dsc_0240 dsc_0251ນອກຈາກນີ້ກົມແຜນທີ່ແຫ່ງຊາດລາວຍັງໄດ້ມອບໃບຢັ້ງຢືນເຕັກນິກການສ້າງແລະຕິດຕັ້ງສະຖານີອ້າງອີງແບບຕໍ່ເນື່ອງ( CORS )ໃຫ້ບໍລິສັດSpace Eye Lao Sole Co., LTD
dsc_0227ນອກຈາກນີ້ໃນງານທາງບໍລິສັດSOUTHຍັງນຳສະເໜີຍົນບິນຖ່າຍພາບທາງອາກາດແບບບໍ່ມີຄົນຂັບ(UAV) SkyCruiser AS1200ແລະ SkyWalker- 8 rotorໃຫ້ບັນດາແຂກທີ່ເຂົ້າຮວມງານໄດ້ຮັບຊົມ.
2