ຂ່າວ ແລະ ກິດຈະກໍາ

ພິທີເຊັນບົດບັນທຶກຄວາມເຂົ້າໃຈດ້ວຍຮ່ວມມືນໍາໃຊ້ເຕັກໂນໂລຊີ ແລະ ນະວັດຕະກຳທີ່ທັນສະໄໜເພື່ອພັດທະນາວຽກງານສໍາຫຼວດ - ວັດແທກ ແລະ ສ້າງແຜນທີ່ຕາດິນ,
ວາງແຜນນໍາໃຊ້ທີ່ດິນ ແລະ ລະບົບປະເມີນລາຄາທີ່ດິນຂອງສ ປ ປ ລາວ.

ຂ່າວ

ກົມທີ່ດິນ

ກົມທີ່ດິນຮ່ວມກັບວິສາຫະກິດ ນໍາໃຊ້ເຕັກໂນໂລຊີບໍລິຫານທີ່ດິນແບບທັນສະໄໝ.
ໃນວັນທີ 26 ມັງກອນ 2023 ນີ້, ທີ່ກົມທີ່ດິນ ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ, ທ່ານ ວິລະນະ ສອນນະສິນ ຫົວໜ້າກົມທີ່ດິນ ຮ່ວມກັບທ່ານນາງ ພູຄໍາ ວົງວິຈິດ ປະທານບໍລິສັດ ສະເປັກໄອລາວ ຈຳກັດຜູ້ດຽວ ໄດ້ລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືນຳໃຊ້ເຕັກໂນໂລຊີ ແລະ ນະວັດຕະກໍາທີ່ທັນສະໄໝ ເພື່ອພັດທະນາວຽກ ງານສໍາຫຼວດ-ວັດແທກ ແລະ ສ້າງແຜນທີ່ຕາດິນ, ວາງແຜນນໍາໃຊ້ທີ່ດິນ ແລະ ລະບົບປະເມີນລາຄາທີ່ດິນຂອງ ສປປ ລາວ, ໂດຍມີທ່ານ ອິດທິພົນ ຈັນທະມາລິນ ຮອງຫົວໜ້າກົມທີ່ດິນ, ທ່ານ Cheng Xiaoyang ຮອງປະທານ ບໍລິສັດ ສະເປັກໄອລາວ ຈຳກັດຜູ້ດຽວ ເຂົ້າຮ່ວມເປັນສັກຂີພິຍານ.

ທ່ານຫົວໜ້າກົມທີ່ດິນກ່າວວ່າ: ໃນໄລຍະຜ່ານມາ, ທາງກົມທີ່ດິນ ແລະ ບໍລິສັດ ສະເປັກໄອລາວ ຈຳກັດຜູ້ດຽວ ໄດ້ດໍາເນີນໂຄງການທົດລອງວຽກງານສໍາຫຼວດ-ວັດແທກຕອນດິນ ແລະ ສ້າງແຜນທີ່ຕາດິນ ທີ່ໃຊ້ລະບົບເຄື່ອງມືທັນສະໄໝຂອງບໍລິສັດດັ່ງກ່າວ ຢູ່ໃນຂອບເຂດ 4 ບ້ານເປົ້າໝາຍ ໃນເມືອງຫາດຊາຍຟອງ, ນະຄອນຫຼວງວຽງຈັນ ເຊິ່ງໄດ້ມີຜົນສໍາເລັດ ແລະເປັນທ່າແຮງໃນການບໍລິຫານທີ່ດິນທີ່ທັນສະໄໝ ເພາະໄລຍະທີ່ຜ່ານມາທາງພາກລັດຍັງມີຂໍ້ຈັດກັດຫຼາຍດ້ານໃນການດໍາເນີນວຽກງານ. ສະນັ້ນ, ໃນການຮ່ວມມືຄັ້ງນີ້, ຈະເປັນການອໍານວຍຄວາມສະດວກໃນການສໍາຫຼວດ-ວັດແທກ ແລະສ້າງແຜນທີ່ຕາດິນ, ວາງແຜນນໍາໃຊ້ທີ່ດິນ ແລະລະບົບປະເມີນລາຄາທີ່ດິນໃນ ສປປ ລາວຢ່າງຖືກຕ້ອງ, ແມ່ນຢໍາ ແລະວ່ອງໄວໃນການຄຸ້ມຄອງ ແລະບໍລິຫານໄດ້ຢ່າງທັນສະໄໝ ແລະຈະເລີ່ມຈັດຕັ້ງປະຕິບັດ ພາຍຫຼັງເຊັນບົດບັນທຶກຄວາມເຂົ້າໃຈດັ່ງກ່າວ.

ໂອກາດດຽວກັນ, ທ່ານ Cheng Xiaoyang ກໍກ່າວວ່າ: ບໍລິສັດສະເປັກໄອລາວຈໍາກັດຜູ້ດຽວ ເປັນວິສາຫະກິດທີ່ມີປະສົບການໃນການນໍາໃຊ້ເຄື່ອງມືທັນສະໄໝ ແລະມີພື້ນຖານຄວາມຮູ້ໃນການສໍາຫຼວດຕອນດິນໃຫ້ໂຄງການຕ່າງໆ ເຫັນໄດ້ແຜນຍຸດທະສາດຂອງກົມທີ່ດິນ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ດັ່ງນັ້ນຈຶ່ງໄດ້ສະເໜີປຶກສາຫາລືກັນ ແລະຕົກລົງເຫັນດີນຳໃຊ້ເຕັກໂນໂລຊີທີ່ທັນສະໄໝເຂົ້າໃນການສຳຫຼວດວັດແທກ ໂດຍ ບໍລິສັດສະໜອງອຸປະກອນດ້ານການສຳຫຼວດວັດແທກ ແລະ ສ້າງແຜນທີ່ຕາດິນຄົບຊຸດ. ສະເປັກໄອລາວເປັນບໍລິສັດທີ່ນໍາໃຊ້ເຕັກໂນໂລຊີທີ່ທັນສະໄໝໃນການສຳຫຼວດ-ວັດແທກ ແລະສ້າງແຜນທີ່ຕາດິນ ດ້ວຍການນຳໃຊ້ຍົນບໍ່ມີຄົນຂັບ (UAV)ໃນການສຳຫຼວດສ້າງເປັນ Base Map, ນຳໃຊ້ລະບົບ IPAD ໃນການສອບຖາມສິດເປັນຂໍ້ມູນແບບດິຈິຕອນ ແລະ ນຳໃຊ້ GNSS RTK ໃນການສຳຫຼວດເກັບຂໍ້ມູນຕອນດິນ.

ງານລ້ຽງສ້າງສັນ

新年快乐

🐇 Happy Chinese New Year 2023 🐇

ສຸກສັນວັນປີໃໝ່ຈີນ

ເນື່ອງໃນໂອກາດປີໃໜ່ຈີນ (ກຸດຈີນ), ວັນທີ 23 ມັງກອນ 2023 ຂໍອວຍພອນໃຫ້ລູກຄ້າທຸກທ່ານມີສຸຂະພາບແຂງແຮງ ມີຄວາມສຸກ ແລະ ປະສົບຜົນສຳເລັດໃນໜ້າທີ່ການງານເຮັງໆ ປັງໆ

ແລະ ຂໍໃຫ້ທຸລະກິດຂອງບໍລິສັດຂອງພວກເຮົາຈະເລີນຮຸ່ງເຮືອງຕະຫຼວດປີ ແລະ ຕະຫຼວດໄປ.

ກິດຈະກຳ

ງານກິດຈະກໍາກິລາສີ

ງານກິດຈະກໍາກິລາສີ ໄດ້ຈັດຂື້ນໃນວັນທີ 06 ມັງກອນ 2023 ແມ່ນງານກິດຈະກຳບານເຕະມິດຕະພາບ ລະຫວ່າງ ບໍລິສັດສະເປັກໄອລາວ,ກົມແຜນທີ່ແຫ່ງຊາດ ແລະ ສູນສໍາຫຼວດວັດແທກ ແລະ ແຜນທີ່ ເພື່ອສ້າງຄວາມສາມັກຄີ ແລະ ສະເຫຼີມສະຫຼອງປີໃໝ່ສາກົນປີ 2023

ໃນງານດັ່ງກ່າວໂດຍມີທ່ານ ນາງ ສີໄຄ ສໍສີລິບຸນມາ ຫົວໜ້າກົມແຜນທີ່, ທ່ານ ດຣ ກອງຄຳ ສຸລິຍາ ຫົວໜ້າສູນສຳຫຼວດວັດແທກ ແລະ ແຜນທີ່ ແລະ ທ່ານ Cheng Xiaoyang ຮອງປະທານ ບໍລິສັດ ສະເປັກໄອລາວ ຈຳກັດຜູ້ດຽວ ໄດ້ມີແຂກເຂົ້າຮ່ວມຈໍານວນ 45 ທ່ານ ໄດ້ເຂົ້າຮ່ວມງານກິດຈະກໍາກິລາ ບານເຕະມິດຕະພາບ, ສ້າງຄວາມສາມັກຄີ.

ກົມນໍ້າປະປາ ກະຊວງໂຍທາທິການ ແລະ ຂົນສົ່ງ

ໂຄງການສະໜອງນໍ້າ ແລະ ສຸຂະພິບານ (WSSP) ຈະເປັນການປັບປຸງ ແລະ ເປັນການປະຕິບັດວຽກງານຂອງໂຄງການນໍ້າປະປາແຂວງ (PNP) ແລະ ເປັນການເຂົ້າເຖິງການຂະຫຍາຍເພື່ອຕອບສະໜອງນໍ້າ ແລະ ທໍ່ນໍ້າທີ່ສະອາດປອດໄພ ສຳລັບປະຊາຊົນໃນຕົວເມືອງໃນປະມານ 11 ຕົວເມືອງນ້ອຍໃນລາວ. ເຊີ່ງຈະເປັນການປັບປຸງ ແລະ ການປະສານງານຂອງຂະແໜງການຕ່າງໆການຈັດຕັ້ງປະຕິບັດນະໂຍບາຍ, ຂະຫຍາຍລະບົບນໍ້າປະປາທີ່ມີຢູ່ໃນເທດສະບານແຂວງ, ພັດທະນາລະບົບນໍ້າປະປາໃໝ່ໃນເມືອງນ້ອຍ; ເປັນການເສີມຂະຫຍາຍການປະຕິບັດງານຂອງຊຸມຊົນໃນການຕອບສະໜອງນໍ້າ ແລະ ສຸຂະອະນາໄມ ແລະ ສ້າງຄວາມເຂັ້ມແຂງໃຫ້ແກ່ການຈັດຕັ້ງປະຕິບັດໂຄງການ, ການດຳເນີນງານ ແລະ ການບຳລຸງຮັກສາ (O&M). WSSP ແມ່ນໂຄງການຂະແໜງການສະໜອງນໍ້າປະປາຂອງ ADB ທີ່ໄດ້ຮັບການສະໜັບສະໜູນຈາກ ADB ໃນສປປລາວ, ປະຕິບັດຕາມໂຄງການຂະແໜງການສະໜອງນໍ້າ ແລະ ສຸຂະພິບານຕົວເມືອງນ້ອຍ (STWSP).

ງານສັບປະດາດິຈິຕ໋ອນລາວ
ປະຈໍາປີ 2022 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ

ພິທີເປີດງານສັບປະດາດິຈິຕ໋ອນລາວ ປະຈໍາປີ 2022 ໄດ້ເປີດຂຶ້ນຢ່າງເປັນທາງການ ໃນຕອນບ່າຍຂອງວັນທີ 21 ທັນວາ 2022, ທີ່ ຫໍປະຊຸມແຫ່ງຊາດ (ຫຼັກ 6) ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ພະນະທ່ານ ປອ. ພັນຄໍາ ວິພາວັນ, ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ, ມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການສູນກາງພັກ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີບັນດາທ່ານລັດຖະມົນຕີ, ບັນດາເຈົ້າແຂວງ, ຮອງລັດຖະມົນຕີ, ຮອງເຈົ້າແຂວງ, ທູຕານຸທູດ, ຜູ້ຕາງໜ້າອົງການຈັດຕັ້ງສາກົນ ປະຈໍາ ສປປ ລາວ ພ້ອມດ້ວຍບໍລິສັດຫ້າງຮ້ານ ແລະ ບັນດາແຂກທີ່ຖືກເຊີນເຂົ້າຮ່ວມເປັນຈໍານວນຫຼວງຫຼາຍ.

ໃນໂອກາດກ່າວເປີດງານໃນຄັ້ງນີ້ ທ່ານ ບັນດິດ ຈສ. ບໍ່ວຽງຄໍາ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ກ່າວວ່າ: ງານສັບປະດາດິຈິຕ໋ອນລາວ ປະຈໍາປີ 2022 ຄັ້ງນີ້ ເປັນງານມະຫະກໍາດິຈິຕ໋ອນ ຄັ້ງທໍາອິດ ຂອງ ປະເທດເຮົາ ທີ່ກະຊວງເຕັກໂນໂລຊີ ແລະ ການສື່ສານ ໄດ້ສົມທົບກັບບັນດາບໍລິສັດຜູ້ອຸປະຖໍາ ພ້ອມດ້ວຍບັນດາກະຊວງ ຂະແໜງການ ແລະ ວິສາຫະກິດຕ່າງໆຈັດຂຶ້ນ ໃນທ່າມກາງບັນຍາກາດທີ່ທົ່ວພັກ, ທົ່ວປວງຊົນລາວທັງຊາດ ກໍາລັງສ້າງຜົນງານເພື່ອສະເຫຼີມສະຫຼອງວັນຊາດທີ 02 ທັນວາ ຄົບຮອບ 47 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 102 ປີ ຢ່າງເປັນຂະບວນຟົດຟື້ນ. ງານສັບປະດາດິຈິຕ໋ອນລາວ ຄັ້ງນີ້ ຈະໄດ້ດໍາເນີນແຕ່ວັນທີ 21-25 ທັນວາ 2022, ທີ່ຫໍປະຊຸມແຫ່ງຊາດ ພາຍໃຕ້ຄໍາຂວັນ: “ການຮ່ວມມືທົ່ວສັງຄົມເພື່ອການຫັນເປັນດິຈິຕ໋ອນ” ໂດຍມີຈຸດປະສົງ ເພື່ອສົ່ງເສີມໃຫ້ພາກລັດ, ເອກະຊົນ, ບັນດາບໍລິສັດ ແລະ ນິຕິບຸກຄົນ ທີ່ປະກອບການດ້ານໄອຊີທີ, ໂທລະຄົມ ແລະ ເຕັກໂນໂລຊີດິຈິຕ໋ອນ ໄດ້ມີໂອກາດສະແດງຜະລິດຕະພັນ, ການບໍລິການ ແລະ ນະວັດຕະກໍາດ້ານດິຈິຕ໋ອນຂອງຕົນ. ພ້ອມກັນນັ້ນ, ກໍເພື່ອແລກປ່ຽນຂໍ້ມູນຂ່າວສານ, ປະສົບການໃນການພັດທະນາຂະແໜງການເຕັກໂນໂລຊີ ແລະ ການສື່ສານ ທັງເປັນເວທີໃຫ້ຄວາມຮູ້ແກ່ພະນັກງານ-ລັດຖະກອນ, ນັກທຸລະກິດ, ນັກຮຽນ, ນັກສຶກສາ ແລະ ປະຊາຊົນ ໂດຍການຈັດກອງປະຊຸມສໍາມະນາ, ການຝຶກອົບຮົມຕ່າງໆ ແລະ ການແຂ່ງຂັນທາງດ້ານດິຈິຕ໋ອນ.

ໃນນັ້ນ ບໍລິສັດສະເປັກໄອລາວ ກຳກັດຜູ້ດຽວ ໄດ້ເຂົ້າຮ່ວມງານເພື່ອວາງສະແດງສິນຄ້າ ແລະ ການເຜີຍແຜຂໍ້ມູນທຸລະກິດຕ່າງໆເຊັ່ນ: ດ້ານອຸປະກອນທີທັນສະໄໜ, ການນໍາໃຊ້ ຍົນບໍ່ມີຄົນຂັບ ( UVA ), ພາບຖ່າຍດາວທຽມ ແລະ ການສາທິດກ່ຽວກັບເຕັກນິກການນໍາໃຊ້ອຸປະກອນ.

ນອກນັ້ນຍັງມີການເຂົ້າຮ່ວມຫຼີ້ນກິດຈະກໍາ ແລະ ແລກປ່ຽນຄວາມຄິດກັບນ້ອງໆນັກສຶກສາທີ່ເຂົ້າມາຮ່ວມງານໃນຄັ້ງນີ້ ເພື່ອນຳໄປໃຊ້ໃນດ້ານການສຶກສາ ແລະ ພັດທະນາຕົນເອງເພື່ອໃຫ້ມີຄວາມຮູ້ຄວາມສາມາດຫຼາຍຂື້ນ.

ພິທີເປີດສະຖານີອ້າງອີງ (CORS)

ວັນທີ 16 ກັນຍາ ທີ່ຜ່ານມານີ້ຢູ່ທີ່ນະຄອນຫລວງວຽງຈັນ ສປປລາວ ໄດ້ມີການຈັດພິທີສ້າງສະຖານີອ້າງອີງການວັດແທກ ແບບຕໍ່ເນື່ອງ (CORS) ເຂດພັດທະນາກວມລວມໄຊເຊດຖາໄດ້ຈັດຂຶ້ນຢ່າງຄຶກຄື້ນໂດຍໃຫ້ກຽດເຂົ້າຮ່ວມຂອງທ່ານກ່ວນຮວາປີ່ງເອກອັກຄະລັດສະທູດ ຈີນປະຈໍາ ສ ປ ປ ລາວ, ທ່ານຫລີເວີຍເຊີນຮອງຫົວໜ້າກົມກົມແຜນທີ່ແຫ່ງຊາດຈີນ, ທ່ານທອງຈັນ ມະນີໄຊຮອງລັດຖະມົນຕີກະຊວງພາຍໃນລາວ, ທ່ານບົວສົດ ສຸວັນນະກຸມມານ ຫົວໜ້າກົມແຜນທີ່ແຫ່ງຊາດກະຊວງພາຍໃນລາວ, ທ່າງເຊີງສຽວຢາງ ປະທານບໍລິສັດສະເປັກໄອລາວ, ຫົວໜ້າຂອງພາກສ່ວນທີ່ກ່ຽວຂ້ອງຜູ້ຕາງໜ້າຈາກວິສາຫະກິດຈີນປະຈໍາລາວແລະບັນດາບໍລິສັດຕ່າງໆທັງໝົດ 100 ກວ່າຄົນ.
ທ່ານບົວສົດສຸວັນນະກຸມມານ ຫົວໜ້າກົມແຜນທີ່ແຫ່ງຊາດກະຊວງພາຍໃນລາວໄດ້ກ່າວວ່າ: ພາຍໃຕ້ການຊ່ວຍເຫລືອແລະສະໜັບສະໜູນຂອງລັດຖະບານຈີນສະຖານີອ້າງອີງການວັດແທກແບບຕໍ່ເນື່ອງ (CORS) ເຂດພັດ ທະນາກວມລວມໄຊເຊດຖາໄດ້ສ້າງສໍາເລັດແລະເລີ່ມນໍາໃຊ້ເຊິ່ງໄດ້ຊ່ວຍໜູນສ້າງໃຫ້ກົມແຜນທີ່ແຫ່ງຊາດລາວມີຄວາມເຂັ້ມແຂງ ໃນການຄຸ້ມຄອງວຽກສໍາຫລວດວັດແທກ ແລະ ການບໍລິການທາງດ້ານເຕັກນິກຕາໜ່າງການວັດແທກແຫ່ງຊາດຂຶ້ນຕື່ມອີກກ້າວໜຶ່ງເພື່ອໃຫ້ເທົ່າທຽມກັບສາກົນ,ຈະປະກອບ ສ່ວນອັນສໍາຄັນໃຫ້ແກ່ການສ້າງເສດຖະກິດສັງຄົມຂອງລາວໃຫ້ມີຄວາມເຂັ້ມແຂງຈະເລີນກ້າວໜ້າ, ເຮັດໃຫ້ກົມແຜນທີ່ແຫ່ງຊາດລາວກໍ່ຄືປະຊາຊົນລາວໄດ້ຮັບຜົນປະໂຫຍດຫລາຍຢ່າງທາງດ້ານການພັດທະນາ.
ທ່ານຫລີເວີຍເຊີນຮອງຫົວໜ້າກົມກົມແຜນທີ່ແຫ່ງຊາດຈີນໄດ້ກ່າວວ່າ: ການກໍ່ສ້າງສະຖານີອ້າງອີງການວັດແທກແບບຕໍ່ເນື່ອງ (CORS) ແຫ່ງທໍາອິດໃນຄັ້ງນີ້ແມ່ນເຫດການທີ່ສໍາຄັນ ແລະ ມີຄວາມໝາຍທີ່ສຸດ, ເປັນສັນຍານວ່າສະຖານີອ້າງອີງການວັດແທກແບບຕໍ່ເນື່ອງ (CORS) ໄດ້ນໍາໃຊ້ຢ່າງເປັນທາງການ.ພາຍຫຼັງ ການສ້າງສຳເລັດຂອງລະບົບດັ່ງກ່າວແມ່ນຈະສາມາດຕອບສະໜອງການນຳໃຊ້ແຜນທີ່ນຳທາງ, ຈັບຈຸດຕໍາແໜ່ງທີ່ມີຄວາມຊັດເຈນສູງ, ສາມາດບໍລິການນໍາໃຊ້ເຂົ້າໃນວຽກງານການກໍ່ສ້າງ, ວຽກງານສຸກເສີນທາງດ້ານອຸຕຸນິຍົມ ແລະ ໄພພິບັດ, ວຽກງານການ ຄວບຄຸມ ແລະ ນຳພາທາງ ແລະ ອື່ນໆ. ນອກນັ້ນລະບົບດັ່ງກ່າວຍັງສາມາດເພີ່ມທະວີການບໍລິການເຜີຍແຜ່ຂໍ້ມູນທາງດ້ານຊັບພະຍາກອນໃຫ້ແກ່ທົ່ວໂລກ.

ກົມແຜນທີ່ແຫ່ງຊາດ ສ.ປ ຈີນ ຍິນດີໃຫ້ການຮ່ວມມືຢ່າງຕໍ່ເນື່ອງໃນລະດັບສາກົນກັບກົມແຜນທີ່ແຫ່ງຊາດ ກະຊວງພາຍໃນ ສ.ປ.ປ.ລາວ ພ້ອມກັນນັ້ນຍັງຈະຮ່ວມມືກັບຫຼາຍພາກສ່ວນກ່ຽວຂ້ອງຂອງລາວເພື່ອພັດທະນາວຽກງານສຳຫຼວດວັດແທກ ແລະ ສ້າງແຜນທີ່ຂອງແຕ່ລະກະຊວງທ້ອງຖິ່ນ, ບໍລິສັດເອກະຊົນ, ອົງກອນວິທະຍາສາດ ແລະ ຄົ້ນຄວ້າຮ່ວມກັນກໍ່ສ້າງໂຄງການເສັ້ນ ທາງສາຍໄໝເພື່ອພັດທະນາເສດຖະກິດສັງຄົມຂອງ ສ ປປ ລາວ.
ສະຖານີ CORS ທີ່ຕັ້ງຢູ່ເຂດພັດທະນາກວມລວມໄຊເຊດຖານະຄອນຫຼວງວຽງຈັນແມ່ນສະຖານີແຫ່ງທຳອິດທີ່ໄດ້ກໍ່ສ້າງ ແລະ ຕິດຕັ້ງສຳເລັດໃນລາວ, ທັງເປັນສະຖານີທີ່ສັນຍາລັກຂອງການຮ່ວມມື ລາວ – ຈີນ ສຳລັບຂະແໜງການສຳຫຼວດວັດແທກ ແລະ ສ້າງແຜນທີ່. ສອງຝ່າຍຈະສືບຕໍ່ກໍ່ສ້າງໃຫ້ສໍາເລັດ 40 ແຫ່ງຕາມແຜນການ, ໃນນັ້ນສະເພາະຢູ່ນະຄອນຫລວງວຽງຈັນມີ 6 ສະຖານີ, ສໍາລັບແຂວງອື່ນແມ່ນແຂວງລະ 1-2 ສະຖານີ. ເພື່ອຕອບສະໜອງຄວາມຮຽກຮ້ອງຕ້ອງການຂອງຝ່າຍລາວ ກົມແຜນທີ່ແຫ່ງຊາດຈີນ ໄດ້ມອບໝາຍວຽກງານດັ່ງກ່າວໃຫ້ແກ່ສໍານັກງານການສໍາຫລວດວັດແທກ ແລະ ແຜນທີ່ ແຂວງຢູນນານ ສປ ຈີນ ຊ່ວຍເຫລືອການສ້າງສະຖານີໃຫ້ແກ່ຝ່າຍລາວ, ບໍລິສັດ ສະເປັກໄອລາວ ຈຳກັດຜູ້ດຽວ ແລະ ບໍລິສັດຊາວທ໌ ສ ປ ຈີນ ເປັນບໍລິສັດຮ່ວມລົງທຶນໃນການກໍ່ສ້າງ.

ພີທີແລກປ່ຽນຂອງຂວນລະຫວ່າງທ່ານບົວສົດສຸວັນນະກຸມມານຫົວໜ້າກົມແຜນທີ່ແຫ່ງຊາດກະຊວງພາຍໃນລາວກັບທ່ານຫລີເວີຍເຊີນຮອງຫົວໜ້າກົມແຜນທີ່ແຫ່ງຊາດສປຈີນແລະພາກສ່ວນຕ່າງໆ.

ສະຖານີ CORS ທີ່ຕັ້ງຢູ່ເຂດພັດທະນາກວມລວມໄຊເຊດຖານະຄອນຫຼວງວຽງຈັນແມ່ນສະຖານີແຫ່ງທຳອິດທີ່ໄດ້ກໍ່ສ້າງ ແລະ ຕິດຕັ້ງສຳເລັດໃນລາວ, ທັງເປັນສະຖານີທີ່ສັນຍາລັກຂອງການຮ່ວມມື ລາວ – ຈີນ ສຳລັບຂະແໜງການສຳຫຼວດວັດແທກ ແລະ ສ້າງແຜນທີ່.

ສອງຝ່າຍຈະສືບຕໍ່ກໍ່ສ້າງໃຫ້ສໍາເລັດ 40 ແຫ່ງຕາມແຜນການ, ໃນນັ້ນສະເພາະຢູ່ນະຄອນຫລວງວຽງຈັນມີ 6 ສະຖານີ, ສໍາລັບແຂວງອື່ນແມ່ນແຂວງລະ 1-2 ສະຖານີ.

ເພື່ອຕອບສະໜອງຄວາມຮຽກຮ້ອງຕ້ອງການຂອງຝ່າຍລາວ ກົມແຜນທີ່ແຫ່ງຊາດຈີນ ໄດ້ມອບໝາຍວຽກງານດັ່ງກ່າວໃຫ້ແກ່ສໍານັກງານການສໍາຫລວດວັດແທກ ແລະ ແຜນທີ່ ແຂວງຢູນນານ ສປ ຈີນ ຊ່ວຍເຫລືອການສ້າງສະຖານີໃຫ້ແກ່ຝ່າຍລາວ, ບໍລິສັດ ສະເປັກໄອລາວ ຈຳກັດຜູ້ດຽວ ແລະ ບໍລິສັດຊາວທ໌ ສ ປ ຈີນ ເປັນບໍລິສັດຮ່ວມລົງທຶນໃນການກໍ່ສ້າງ.

ນອກຈາກນີ້ກົມແຜນທີ່ແຫ່ງຊາດລາວຍັງໄດ້ມອບໃບຢັ້ງຢືນເຕັກນິກການສ້າງແລະຕິດຕັ້ງສະຖານີອ້າງອີງແບບຕໍ່ເນື່ອງ ( CORS ) ໃຫ້ບໍລິສັດ Space Eye Lao Sole Co., LTD

ນອກຈາກນີ້ໃນງານທາງບໍລິສັດ SOUTH ຍັງນຳສະເໜີຍົນບິນຖ່າຍພາບທາງອາກາດແບບບໍ່ມີຄົນຂັບ ( UAV ) SkyCruiser AS1200 ແລະ SkyWalker- 8 rotor ໃຫ້ບັນດາແຂກທີ່ເຂົ້າຮວມງານໄດ້ຮັບຊົມ.