ບົດຄວາມ: ກຳມະກອນ

*ຊີວິດຂ້ອຍ ຄືກຳມະກອນ

ຕາກແດດຮ້ອນ ເຫື່ອປານຝົນຮ່ຳ

ທຸກເຊົ້າຄ່ຳ ແມ່ນອອກແຮງງານ

ທໍລະມານ ປານນ້ຳຮ້ອນລວກ

*ບໍ່ສະດວກ ຄືຄົນອື່ນເຂົາ

ເພາະວ່າເຮົາ ບໍ່ມີຄວາມຮູ້

ຕ້ອງທົນຢູ່ ສູ້ແດດ ແລະ ຝົນ

ເຮົາຕ້ອງທົນ ເພື່ອວັນທາງໜ້າ

*ອີກບໍ່ຊ້າ ຊີວິດຈະດີ

ເພາະເຮົາມີ ຄວາມພະຍາຍາມ

ທຸກກໍ່ຕາມ ຕ້ອງສູ້ໄວ້ກ່ອນ

ຄິດເຖິງຕອນ ພໍ່ແມ່ລ້ຽງມາ

*ເພິ່ນອົດສາ ລ້ຽງເຮົາຈົນໃຫຍ່

ຈົນວ່າໄດ້ ທົດແທນພະຄຸນ

ລູກມີບຸນ ທີ່ໄດ້ເກີດມາ

ວາດສະໜາ ເປັນກຳມະກອນ